الأغنية لنجم طبعا ومزيكا الشيخ إمام وكلامها يمشي على مصر اليومين دول زي ما مشي عليها زمان!!!!
بوتيكات الناتي كوا النَّات
وشقق مفروشه وعمولات
يا حلاوه الناوه كوا الناوه
يا بلدنا يا آخر فتكات
بوتيكات الناتي كوا النات
**
شبيك لبيك فتح مخك
لبيك شبيك غمض عينك
حتقفّل مخك ح نطخك
ونلوشك لو تفتح عينك
ركب قرنين تركب مازدا
وتعيش سلطان في البرواز دا
مش عاجبك فالجبنه الفاسده والعيش والفول والكرَّات
يا حلاوه الناوه كوا الناوه
يا بلدنا يا آخر فتكات
بوتيكات الناتي كوا النَّات
***
مين فيكوا ما يعرفش عليوه
شيّال المينا الكحيان
في ثواني اتمول واتحول
بقي مسيو عليوه عليَّان
إزاي؟
ما هي بوظه ومفتوحه
على حس ولاد المفضوحه
وأرانب صاحيه ومدبوحه
تتأستك تبع البنوكات
يا حلاوه الناوه كوا الناوه
يا بلدنا يا آخر فتكات
بوتيكات الناتي كوا النَّات
**
حتقولي الفقرا ومشاكلهم دي مسائل عايزه التفانين
وأنا رأيي نحلها رباني ونموّت كل الجعانين
وبهذا ما حدش ح يجوع.. أبدا أبدا
لو نعلن هذا المشروع .. طبعا طبعا
وح نقفل هذا الموضوع
نهائياً ونعيش في تبات
يا حلاوه الناوه
كوا الناوه يا بلدنا يا آخر فتكات
بوتيكات الناتي كوا النات
No comments:
Post a Comment