انتخابات مصر شفافة
فعلا دا حقيقي والمثل بيقول "اللي ميشوفش من الغربال يبقى اعمى" .. انتخابتنا تكاد من فرط شفافيتها تنطق وتقول إن
الحزب الوطني كابس على نفسنا ذوق عافية
المعارضة شوية موالسين منافقين يستحقوا لفظ تاني بس دا بلوج محترم
المصريين اللي هما احنا شوية ارانب وفراخ في عشة كبيرة وجميلة
بس ريحتها فاحت الصراحة
واسمها مصر
انتخابات مصر نزيهة
في اللغة العربية لما نقول اننا بنتنزه عن حاجة يعني بنزهد فيها
وفعلا دا حقيقي انتخابات مصر بتتنزه عن العدل والنزاهة .. انتخابات منزهة عن أي حاجة ليها علاقة بالديمقراطية
انتخابات مصر عادلة
يعدل عن الشيء يعني يبعد عنه
فعلا دا حقيقي انتخابات مصر عدلت عن الصواب
انحرفت وراحت لنفاق يبعث على القيء
لفساد وفلوس رايحة ونتيجة معروفة مسبقا
بيفكرني المشهد بمسرحية رديئة .. بمسرحيات سمير غانم الهايفة اللي بيتريق فيها على الطوال والقصيرين والسمر
مسمعش حد تاني يقول انتخابات
دي انتهابات
واللي يشارك في الفساد فاسد سواء كان مرشح أو ناخب
بس
No comments:
Post a Comment