حبيبتي شارطة مايلة فراغ

am still new to the Egyptian band "masar egbary" but their lyrics are spinning in my head... cant stop but to write these words and contemplate the guitar work, the drums with the piano in the song "mersal l 7abebty"

مرسال لحبيبتي

مرسال لحبيبتي

حبيبتي

حبيبتي شارطة مايلة فراغ

وهاكتب ليه حروف اسمك ماهو انتي في قلبي ساكنة القلب عارفة بقصتي وحالي

ومين غيرك في قلبي أكتبله مرسالي

أما بعد

منيش عارف دا جوابي الكام

معنتش بحسب الصفحات

معنتش بحسب الاقلام

معنتش بحسب اللي ضاع من الاوهام

كفاية اني بحبك بس

وقلبك لو بقلبي حس أو شاف حاله في بعادك

لصلى لربه واستغفر لذنبه وصام

وياما في نفسي ياما ياما ياما في نفسي تيجي لقلبي وتحني ولازم تعرفي اني لانا عفريت ولا جني

بحبك بس ايدي أقصر كتير مني فمش هقدر اجيبلك م الدهب كفة واجيبلك م الياقوت كفة ومش هقدر اجيب الوالي في الزفة

ومش هقدر اجيبلك بيت يموت القطر لو لف في حماه لفة

كفاية اني بحبك موت وحب الناس ندامة وعار

وحبي عكسهم عفة

ولو ترضي.. ولو ترضي فعندي شروط

أنا طبعا بحبك موت ولكن برضه ليا شروط

أنا عايزك تكوني في الوريد دمه

وتبقي في عقلي أنا همه

وتبقي ورد جوا القلب غيري يشوفو يتحسر ولا يشمه

وعايز رمشك الجارح صراط يجرح فؤاد غيري ميرحمشي

وأنا اجيلك اعدي فوق صراط رمشك ولا اخافشي

وحتى لو وقعت في يوم من الخضة أقع في عنيكي وأتوضا

واصلي ركعتيك لله وأبوس نني العينين وأمشي

لانا طماع ولا في طبعي الانانية

جناين قلبي راح تفضل ولو طال البعاد فاتحة

بحبك قلتها بالكسرة

نفسي اسمعها بقا بالفتحة