ناس كتير غنوها
بس محدش قالها زي إمام
البحر بيضحك ليه
وانا نازلة ادلع املا القلل
البحر غضبان ما بيضحكش
أصل الحكاية ما تضحكــش
البحر جرحه ما بيدبلش
وجرحنا ولا عمره دبل
***
مساكين بنضحك م البلوة
زي الديوك والروح حلوة
سارقاهم الســـــكين حموة
و لسه جوا القلب أمل
***
قللنا فـــخارها قناوي
بتقول حكاوي و غــناوي
يـــــا قلة الذل أنا ناوي
ما اشرب و لو في المية عسل
***
يـــاما ملينا وملينا
لغيرنا وعطــــشنا ساقينا
صابرين وبحر ما يروينا
شايلين بدال العلة علل
***
في بالي ياما وعلى بالي
واللي بيعشق ما يبالي
ما يهمنيش من عزالي
يا حلوة لو مرسالي وصل
***
بيني وبينك ســور ورا سور
وانا لا مارد ولا عصفور
في إيدي عود قوال وجسور
وصبحت انا في العشق مثل
No comments:
Post a Comment