شغلنتي بكتب فيها.. واول مكان اشتغل فيه كانت فيه مشكلة فنية كدا اننا كان لازم نقلب الأرقام
يعني لما كنا نحب نكتب 2008 كنا نكتبها 8002
وفي موضوع الاعمار كان الامر لا يخلو من طرافة
كنا لما نحب نكتب مسن يبلغ من العمر 82 سنة
نكتبها مسن يبلغ من العمر 28 سنة
***
هوا العمر ايه اصلا .. بعد الطفولة بيبقى رقمين يعني شاء ربنا انهم يتحطو جنب بعض لمدة سنة
مش بيطيقو بعض اكتر من سنة
وكل سنة يتغير رقم وكل عشر سنين يتغير الرقمين
هوا يعني الرقم اللي في خانة العشرات دا اللي مهم وتاعب الناس قوي
بالذات البنات
يخافو قوي لو عمرهم بقا 30 ويترعبو لو بقا 40
مع ان بمعايير مكان شغلي القديم
يبقى عندهم 3 سنين او 4 سنين
يمكن لو فكرو كدا يحسو نفسهم اطفال على طول
***
معنى كدا ان بمعايير شغلي القديم انا عندي 72 سنة !! عمر ما الرقمين عملولي ازمة
بس لما بتخيل نفسي 72 سنة بستغرب
هيا الواحدة هتعيش اصلا لحد 72 سنة
واحد اعرفه خلاني اندهش (واندهش دي مرحلة بتيجي بعد
استغرب بكتير) ... خلاني اندهش لما عرف لوحده اني بفكر في الموت كتير
انا بس بخاف ملقيش اللي بحبهم
يارب اعيش لحد ما يبقى عندي 72 سنة
بجد مش بمعايير شغلي القديم
: )
No comments:
Post a Comment