!
كانت باردة جدا المكالمة .. كان بارد جدا الصوت
ولأ .. مش دا أبدا الشخص اللي كنت بحبه
**
ياترى يا رب مكتوبلنا نطلع على الهوا ولا ايه النظام؟
طب ياترى هوا دا اللي عايزينه فعلا؟
***
واحدة من اعز صديقاتي بقت أم
مجرد تخيلها وهيا شايلة عيل بيخليني اضحك.. افرح طبعا بس اضحك كمان
**
مش عاجباني حاجة في البلد
ساعات بسأل نفسي هوا انتي هتفضلي معارضة كدا على طول
ابتسم في سري لما افتكر عرسان كانو بيتخضو من ميولي المعارضة
يا ترى دلوقتي بيفكرو ازاي.. مش عارفة ومش مهم
مش بحسب نفسي انا ثورية جامدة
لكني عندي دماغ وبفكر ولله الحمد
ماهو حتة البلحة اللي ربنا مديها لكل واحد مننا فوق رقبته دي ليها لازمة
***
الدمار الشامل طريق التحول
على كل الاصعدة هيا خربت
معتقدش اني حمل دمار اكبر من كدا
ممكن بقا نشوف التحول ولا هنقضي في الدمار دا فترة اطول يعني
الله .. الوطن.. أمي.. دماغي.. المواعين
No comments:
Post a Comment