كان الطريق إلى المنزل طويلا وقررت أن تتخيل يومها المفضل
يبدأ اليوم بزقزقة عصافير رقيقة ونسمة باردة عذبة تدغدغ جفنيها وتوقظها من النوم
أفضل الملابس والعطور في انتظارها ووجبة صباحية بسيطة مع حبيبها
قبلة خفيفة على شفتيه ثم انطلاق في شوارع العاصمة الفارغة تماما من المارة
تذكروا نحن في حلم
ميكروباص جميل تزينه البالونات الملونة ولا يحمل غيرها.. يضع شريط كاسيت لمنير ويوصلها لعملها في ربع ساعة
اليوم ميعادها مع الطبيب .. كم تتمنى أن تسمع خبرا حلوا منه
تنتهي شيفت لطيفة مع ملائكة يحبونها وتحبهم حبا جما وتذهب للطبيب
تتصل بحبيبها وتخبره بأنه سيصبح أبا فيقرر الاحتفال
يبدو اليوم اجمل بكثير وقد اصبحت عينيه عسلية بدرجة اكبر حتى أنها فكرت أنه فعلا يشبهها كثيرا... لا عجب أنهما تزوجا
يأخذها لمنطقة الحسين التي تحبهاا ... يصليان في المسجد ويحرص على شراء حمص الشام لها
بعد فترة في الحسين يصحبها لمشاهدة فيلم جوني ديب الجديد ولا يمل تعليقاتها المتكررة عنه وعن مدى إبداع كل شيء في الفيلم حتى وإن كانت الحقيقة غير ذلك
وفي الطريق إلى المنزل يغني لها أغنيتها المفضلة
"وبتقولي أنا في الكون لوحديه ومنسية"
ولا تنبه صاحبتنا إلا رنة حماتها المميزة على تليفون حبيبها لتخبرهما أن طائرتها ستصل أرض الوطن مساء اليوم وأنها ستقضي أسبوعين معهما
:)
2 comments:
البوست ده فيه دفء وحاجة حلوة مش قادرة اعبر عنها بالكلام .عشت معاه ومش عارفة ليه تخيلت نفسي هذه البطلة وتمنيت لو اني مكانها حاليا يمكن لان هذه الصورة هي اللي اتمنى ان اكون جواها واعيش فيها بس هو فيه حد بيحب كده او فيه حياة مثالية كده ماعتقدتش دانا حسيت اني قاعدة في المدينة الفاضلة زقزقة عصافير وشوارع فارغة وميكروباص جميل لأ والادهى انه وصلها في ربع ساعة(حلوة دي) وكمان بتسمع منير ايه الحلاوة دي لكن النهاية جاءت طبيعية جدا ومضحكة للغاية اهو كده الواقع ولا بلاش واللي قبله احلاااااااااام عندما جاءت رنة حماتها لتباغتهم دون سابق انذار.
عشت فيه بكل كياني لكني سرعان ما انتبهت الى واقعي وقلت لنفسي دا مجرد خيال لكاتبة جميلة اسمها ياسمين لكنه خيال راقي بجد. صحيح هو في النهاية خيال بس احنا برده لازم نتخيل ونتمنى نعيش عيشة احلى لاحسن نموت من الواقع الذي يعج بالفوضى والعبث والوشوش التعبانة والبائسة وغضب ربنا عليها بسبب اللي بتشوفه كل يوم. على الاقل الخيال خروج ضروري ولو للحظات لعالم حالم بيصبرنا على العيشة واللي عيشنها. عموما البوست فيه امل وانطلاق وروحانية وعاجبني اتساق كلماتك ورشاقتها.
على فكرة انا هاحاول آجي قريب ان شاء الله بس مش عشان اشوف المكاتب الجديدة اللي جابوها ولا عشان املي عيني بشلة الاشرار من غير الابرار اللي قلتي عليهم بس عشان اشوفك انتي وامشي معاكي عشان والله ولا ليكي عليه حلفان انا بحب اتكلم معاكي اوي وبحترم عقليتك ومشاعرك الرقيقة جدا.
متنسيش تسلميلي على البت رشا عشان وحشتني اوي.
واخيرا وليس آخرا عايزة ابدي اعجابي بأفكارك المتجدة والمتنوعة دايما.
المخفية نشوى
الحمد لله انو عجبك يا نوشا بصي احنا متفقين انو حلم تماما يعني انا بالنسبة لي الحاجات البسيطة دي تفرحني - على اساس ان الشوارع ممكن في يوم من الايام تبقى فاضية
بتقولي ممكن يبقى فيه حب كدا؟ ايوة طبعا في. هوا صحيح انا لسه مشوفتش حد ممكن يقبل كلامي عن جوني ديب بس انا واثقة ان ربنا شايلي حد يحبني يمكن اكتر من كدا كمان وكذلك الحال ليكي
حاولي بس تختاري صح يا نوشا
تصدقي اني كنت عايزة امشي البوست كلو احلام في احلام لكن الواقع بيفرض نفسه وسنة الواقعية دي مش عارفة اتخلص منها الحقيقة
:)))
ايه رايك تفكري انتي كمان في يوم احلامك وتكتبيه.. ورينا كدا هايطلع عامل ازاي
ربنا يكرمك يا نوشا يالا تعالي زورينا انتي واحشاني قوي اصلا
حاضر هاوصل السلام لرشا ان شاء الله
انا كمان بحبك ومؤمنة بيكي يا بنوتة
Post a Comment