رغم الزهر اللي متلي الحقول
شو ما تحكي وتشرحلي وتقول
حبيبي.. حبيبي.. تا نرجع لأ مش معقول
****
عندي سنونو وفي عندي قرميد
بعرف شو يعني اذا انت بعيد
بس حبيبي.. إحساسي.. ما عاد يرجعلي من جديد
****
في أمل؟ ايه في امل
اوقات بيطلع من ملل
وأوقات بيرجع من شي حنين
لحظة تا يخفف زعل
وبيذكرني فيك لون شبابيك
بس ما بينسيني شو حصل
****
في قدامي مكاتيب من سنين
زهقت ورد ومنتور وياسمين
حبيبي.. حبيبي.. ما عاد يلمسني الحنين
****
في ماضي منيح بس مضى
صفا بالريح بالفضا
وبيضل تذكار عن مشهد صار
في خبز في ملح في رضا
****
يومية ليل وبعدو نهار
عمري قدامي عم ينقضى
شوف القمح اللي بيطلع بسهول
شوف المي اللي بتنزل ع طول
حبيبي.. احساسي .. هالقد معقول بيزول
****
شو بتخبر أصحاب وزوار
عني اني محدودة وبغار
بس حبيبي.. كرمالي.. تنياتنا منعرف شو صار
