مكنش قرار الرجوع لحاجة كنت بعملها قبل ديسمبر سهل.. مكنش سهل خالص

انا بمشي بالزق ودي حقيقة.. التشجيع والدفع والاحراج بقو هما الحاجات اللي بتخليني اعمل اي حاجة لاني ببساطة مش عايزة اعمل اي حاجة على الاطلاق.. حاسة ان حياتي وقفت او انها متستاهلش تكمل او انها "ماشية" ودي كلمة سخيفة للغاية بنوصف بيها الحياوات الرتيبة الحزينة

ما علينا

المهم اني راجعة.. مستغربة الدنيا جدا.. ولحد دلوقتي بصحى كل يوم على نفس السؤال.. هيا ماما راجعة النهاردة؟ طب هوا انا ينفع حياتي تمشي كدا عادي بعدها؟ 

قضيت شهور في سؤال هقدر ارجع ولا لا ولقيت نفسي بتحط على تراك اني ارجع.. معنديش مشكلة ادفع اي تمن.. مش خسرانة حاجة لكن كمان عايزة اؤكد اني مش هعمل حاجة ممكن تضايق ماما باي حال من الاحوال.. خلاص هيا راحت لمكان مفيهوش ضيق ولا حزن بس في حاجة تانية محيراني ولما كنت بسالها عليها زمان كانت بتقول لي "اللي يسمع كلام امه ميخسرش ابدا" وانا قررت اسمع كلام امي.. الله يرحمها بالمناسبة

....

جلس بين يديها وكان يقبل دموعها قبل أن تتحرر للانزلاق على خديها الناعمين

يسخر ويقول لها ضاحكا "ناقصة ملح شوية عيطي كمان"

لا تجد الا ان تضحك فيقول "بقول عيطي مش اضحكي"

وتمضي الايام

كان يخرج من غرفتها ويخر باكيا

ثم يدخل لها لينقل تقاريرا مزيفة وكأن الاطباء طمأنوه بأنها ستشفى من الشلل

كيف شفيت اذن؟!

لا احد يعرف لكنها تخطت الازمة معه

وعندما مات زوجها بعد عامين من الازمة

وعاودها الشلل

لم يعرف أحد أيضا كيف تفوقت في اللعبة

وكيف شاركت في اولمبياد المعاقين وكسبت ميدالية

ولماذا تذوقت دموعها عندما بكت حينها وهي مبتسمة

ضمة وداع

لأول مرة أجد الكتابة عبئا ثقيلا إلى هذا الحد.. كأنني أسحب كل كلمة من تحت حجر كبير

لم نكن انا واخوتي نحتفل بعيد الام بشكل مبالغ فيه

لكن ماما كانت في كل يوم عيد

كان حضنها عيدا وأكلها اللذيذ عيد

كان تحملها وصبرها وتضحيتها بالكثير من أجلنا عيدا

كان كل ما تفعله وتقوله عيد

أتذكر حدوتها التي صاغتها من أجلنا

وأتذكر الان دعاءها بالذات

كانت تدعو لنا كثيرا

عندما اتذكر هدايايا القليلة لها أخجل من نفسي

لكن عزاءي أنها عني راضية

أو هكذا اتمنى

وفي اخر مرة رايتها فيها وقبلت خدها البارد

شعرت بها تضمني إليها

ضمة وداع

اقرأوا الفاتحة وادعوا لقلب ضحى من أجل من يحب

انا لله وانا اليه راجعون

افتح يا سمسم

انتظر دائما غدا يأتي بفتح باب القفص

حبيسة الأحزان أنا أم حبيسة الظروف

أم حبيسة نفسي مثلما يقول من اعتادوا ترف الاختيار

غدا سيأتي بفرحه وآلامه

غدا قد لا يأتي

وباب القفص ربما خلق ليفتح فقط من الداخل

وهحط زيت القنديل

هحط زيت القنديل في عيوني يوم الخميس ان شاء الله

ستكون أول عملية بالمعنى العلمي للكلمة أخضع لها في حياتي

لكنها بسيطة

ستكون هذه هي المرة الأولى التي أقصد فيها طبيبا بدون أمي

وأذكر أننا كنت أنوي إجراءها بعد يومين من وفاتها

وعدتني وهي في عز مرضها بانها تيجي معايا

ياترى تعرف ان حبيبتها اصرت تيجي معايا

طيب يا ترى هعرف ابكي لما افتكرها معايا يومها

يمكن انا مورثتش عنها العيون الخضرا

بس ازعم اني ورثت عنها ضعف البنية وشوية طيبة

وبفرح لما بيقولولي اني شبهها

ربنا يستر بقا يوم الخميس

وربنا يرحمها

الكاهنات

المربى معالي بدأت مدونة جديدة وكتبت فيها بوست عن ناس صحابنا .. ادي البوست وانا اللي كاتبة الجزء بتاعها طبعا :)

و بنات قمرات زى الشربات حلوين مش عارف ليه يقولوا هيه !

طبعا كل اللى ميعرفهومش كويس مش عارف ليه بيقولوا دايما بيضحكوا ويقولوا هيه . مش عارف انهم كاهنات ايزيس المودرن اللى قرروا يحولوا اسطورة امنا ايزيس اللى بدموعها ردت الروح و الحياة لجسد حبيبها اوزوريس(و غالبا بسسببها يبتقال على أغلب الستات لحد النهاردة أنهم نكدين وان اوزوريس رجع بس عشان يخلص مننكد وزن الست ايزيس ) الى اسطورة جديدة فيها الضحك و محبة الحياة هو اللى حيرجع ابونا اوزوريس (وولاده طبعا) تانى الى الحياة لما يكتشفوا اد ايه هى مبهجة وممتعة بكل تفاصيلها ، المدهش منها و المؤلم كمان .

كاهنات ايزيس اللى كل واحدة فيهم فيها حاجات كتير حلوة مش حاجة واحدة بس. هن رفيقات الدرب و متوقع جدا انهم يكونو اهم بطلات حواديت مارس و غير مارس الحلوة :)

الكاهنة الأولى : أسماء

طبعا اسماء اولا !

مش بس علشان كل النبؤات و التوقعات اللى بتقول ان الحاجات الحلوة حتحصل لأسماء اولا و بعدين احنا وراها ولا علشان عيد ميلادها من الحاجات الحلوة اللى مستنينها فى مارس ، عشان كمان هى أولى الكاهنات اللى ظهروا فى حياتى .

بيجمعنا حاجات كتير حلوة كان أولها ربة الشعر( The Muse ) اللى خلتها أميرة غجرية و خلتنى طائر حر و أخرها دلوقتى حال تصوف و دروشة مطير أرواحنا فى السما السابعة .

أكتر حاجة حلوة فى أسماء أنها حورية بحر بكامل تفاصيلها و ألوانها و أنوثتها المبهجة .

الكاهنة التانية : مى

تؤأمى اللى ماما جابته بعد أربع سنين :)

اتولدت فى يوم عيد ميلادى الرابع . فى البداية كانت هى البديل الطبيعى لعروستى اللى بلعب بيها . مع الوقت اتحولت لأخت بتشاركنى كل تفاصيل الأنوثة و الحواديت السرية و فوضى الأودة اللى مقسمانى فيها و ابنة بمارس عليها امومتى من وقت للتانى .

أكتر حاجة حلوة فى مى انها لسه نفس البنت الصغيرة اللى دوشانا بتفاصيلها و لعبها و حلوياتها فى البيت وبره البيت

الكاهنة الثالثة : نهى

صاحبة الروح التى تشف و تصف !

روحى و روحها كانوا اصحاب فى عالم آخر كانت هى سما وكنت انا فراشة بطير فيها .

نهى و انا دايما ما بينا كتاب و وصفة طبخة حلوة و فنجان قهوة و نكت ابيحة و ضحك كتير كتير

أكتر حاجة حلوة فى نهى أنها فعلا سما بكل صفائها و بهجتها و عطائها وقت المطر.

الكاهنة الرابعة : سهى

هى العرافة الأشهر لكاهنات ايزيس .

أكتر تجسيد حى لأمنا ايزيس فى القوة و الصلابة و المحبة . من أول مرة شوفنا بعض وحشتنى جدا و هى ماشية .

بتبسط أوى و هى بتحكلينا الحكايات و تلمنا فى بيتها على كوبات شاى سخن و نبؤات لأحداث قادمة لا محالة .

أكتر حاجة حلوة فى سهى الحنية اللى فى صوتها و هى بتطمنا على بكرة الجاى .

الكاهنة الخامسة : نهى ( بنت سهى )

أصغر كاهنات ايزيس .

قررت ان اكون اختها الكبيرة بدون مقدمات . اللى انا واثقة منه ان على ايديها احفاد اوزوريس حيغيروا مفاهيم كتير عن بنات ايزيس .

أكتر حاجة حلوة فى نهى انها مليانة مفاجأت مبهجة و محرجة فى بعض الأحيان .

الكاهنة السادسة : ياسمين

متملكش قدامها غير انك تحبها برقة و عنف و على استحياء . بس عمرك ما تقدر تكرهها ولا تلعن أبوها بالعشق اللى زى الداء

هى كاهنة الطيبة و الشقاوة . حاجة كده ميكس من بطلات نجيب محفوظ على بطلات جبن أوستين . من أغانى بعرور على سيمفونيات بيتهوفن . ميكس متقدرش تعمل معاه حاجة غير انك تدوب فيه و يبقى جزء منك .

أكتر حاجة حلوة فى ياسمين انها عاملة زى البونبون بالزبط لما بيدوب بتدوق العسل اللى جواه .

الكاهنة السابعة : ابتسام

اهى دى بقى اللى مشرفنا ورافعة راسنا فى بلاد الفرنجة .

ابتسام دائمة الأبتسام . الروح المقدامة اللى فينا و اللى قررت انها تسافر فى محاولة لأكتشاف جزء جديد من روحها و تجارب ما عاشتهاش قبل كده.

أكتر حاجة حلوة فى ابتسام انها صاحبة صحباتها بصحيح :)

الكاهنة الثامنة : رشا

أعتقد ان الهدوء من اختراعها . و كمان الصمت .

رشا كثيرة الصمت كثيرة المحبة . عنين مليانة حواديت و قلب مقفول علينا مليان محبة و دفا

أكتر حاجة حلوة فى رشا أنها زى الملح كده لو غاب تحس ان كل حاجة مالهاش طعم

الكاهنة التاسعة : هدى

هى كاهنة الصلاة و الرحمة .

صوت الضمير الحى اللى يخلى عينك على كل التفاصيل لتجرح حد او تغلط بدون قصد. بحسها كتير ملاكى الحارس

أكتر حاجة حلوة فى هدى ضحكتها الصافية اللى بلون الشمس .

الكاهنة العاشرة: معالي

كاهنة الاشراق والحب

معالي يعني الحب بمفهومه الواسع الرحب .. حب الناس والعيال والمزيكا وربنا.. الألفة اللي بتربطك بمعالي من اول مرة تشوفها فيها

بتفضل معاك على طول وبتحس وانت ماشي بعد ما قابلتها انك مسبتهاش ابدا هيا معاك برضه .. الحميمية هيا عنوان اي علاقة مع

معالي

الذي خلق الموت والحياة ليبلوكم أيكم أحسن عملا

بقيت حاوي

الاغنية جميلة.. تستاهل تبقى في الكونشرتو.. بقيت حاوي.. مسار اجباري

مش ناس كتير بتلعب ناي ودف اليومين دول.. تحية للناس اللي لسه فاكرة الناي والدف

المزيكا بالنسبة لي عبقرية بتديك احساس القدرة اللي بيقول عليها الكلام

لكنها قدرة مليانة بحزن الناي

حزن الاحلام اللي بتجري قدامنا ومبنلحقهاش

بقيت حاوي

بقيت غاوي ف عز الجرح انا مبكيش

بقيت عارف اطلع من ضلوع الفقر لقمة عيش

بقيت حاوي

بقيت غاوي ف عز الجرح انا مبكيش

بقيت عارف اطلع من ضلوع الفقر لقمة عيش

بقيت قادر اداري الدمعة جوايا مبينهاش

بقيت راضي انام رجليا مقلوبة كما الخفاش

بقيت قادر اداري الدمعة جوايا مبينهاش

بقيت راضي انام رجليا مقلوبة كما الخفاش

منا اتعودت احلامي اشوفها بتجري قدامي

وملحقهاش

وملحقهاش

انا سلمت سبت العفرة على دقني وصدقني

الدنيا دي حاجة متسواش

انا اتعودت احلامي اشوفها بتجري قدامي

وملحقهاش

وملحقهاش

انا سلمت سبت العفرة على دقني وصدقني

الدنيا دي حاجة متسواش

بقيت حاوي

بقيت حاوي

بقيت حاوي

CAN'T WAIT

جوني في دور السحلية رانجو

موسم رحيل الفراشات

تذهلني الصدمة تلو الأخرى وأصمت

بعد رحيل أمي بشهرين يرحل توأمها الحبيب إلى نفسي

اصبحت اكثر خوفا من الموت

أنتفض عندما أسمع رنين الهاتف

لا أريد أن أفقد عزيزا اخر

صمتي يحير كثيرين وانا اولهم

التفاصيل متعبة والواقع الجديد يفرض نفسه

نوع جديد من الحزن اكتشفه في نفسي

وتهمس في اذني عبارة احلام مستغانمي في فوضى الحواس

ثمة حزن يصبح معه البكاء مبتذلاً ، حتّى لكأنه إهانة لمن نبكيه . فلم البكاء

مادام الذين يذهبون يأخذون دائمًا مساحة منا ، دون أن يدركوا ، هناك حيث هم

أننا، موتًا بعد آخر ، نصبح أولى منهم بالرثاء

***

رب ارحم احبتي تحت الارض

رب اقبضني اليك ففي الفناء راحة والحيال محال.. يوسف زيدان