أستعيد توازني وقوتي الحمد لله
وبمناسبة رجوعي للكونشرتو كان لازم أدون أجمل مشهد شوفتو من فترة طويلة
المشهد بين يحي (خالد أبو النجا) ونجوى (غادة عادل) من فيلم في شقة مصر الجديدة والاتنين في مطعم
يحي: مقولتيليش بقا انتي ليكي في السمك زيي ولا لأ؟
نجوى: آه بس مش لدرجة إني آجي من إلمنيا عشانو
يحي: لعلمك أنا ممكن أطلع اسكندرية وارجع عشان أكلة سمك حلوة
نجوى: بالموتوسيكل؟
يحي: آه ... أنا لفيت مصر كلها بالموتوسيكل
نجوى: يا بختك .. ورحت إلمنيا؟
يحي: عديت عليها.. تعرفي.. أنا كنت كل ما أسافر أكتر وأبعد أكتر كل أحس إن في حاجات كتير قوي في الدنيا دي فايتاني
سكوت.. -يلاحظ يحي إن نجوى تبص للدبلة اللي ايدو الشمال- ... مش عارف ليه الدبلة دي النهاردة خنقاني - يشيل الدبلة - تعرفي إن في ناس كتير فاكراني متجوز
نجوى: آه فعلا
يحي: مع إنو عادي يعني إن الواحد يلبس دبلة فضة وميكونش متجوز
نجوى: بس لازم يبقى في سبب تاني عشان يلبسها
يحي: زي إيه مثلا؟
نجوى: زي إنه يبقى بيحب واحدة
يحي: إنتي عارفة دي تبقى دبلة مين أصلا؟
نجوى: دبلة داليا مش كدا؟
يحي: لا.. دي تبقى دبلة صاحبتك
نجوى: تهاني !!
يحي : لقيتها جيالي لوحدها
نجوى: زي الجوابات اللي اتفتحت لوحدها
يحي (يضحك): طب خدي.. خليها معاكي عشان تبقي تديها لتهاني بنفسك
بس انتي برضو مقولتيليش انتي مرتبطة ولا لا؟
نجوى: - من غير ترفع ايديها الاتنين اللي مفيهومش دبلة وتهز رأسها بمعنى لأ
نجوى: كان ليا واحدة صاحبتي كانت دايما تقولي ان الرجالة يعني بيحبو الستات الي تحسسهم إنها قوية قوي ومدردحة قوي وواثقة من نفسها قوي وجميلة قوي
يحي: سوبر وومان قوي يعني
نجوى: بس أنا ولا قوية قوي ولا مدردحة قوي ولا جميلة قوي
يحي: إنتي مش جميلة؟
نجوى: كانو دايما يقولو عليها إنها مش بيضا وحلوة زي أمها... بس دمها خفيف
يحي: هما مين دول اللي بيقولو؟
نجوى: يعني جيراننا وقرايبنا
يحي: مفيش ولا راجل قالك انك جميلة؟
نجوى تهز دماغها بمعنى لأ
يحي: اسمحيلي اقولك إنو مع احترامي لكل الرجالة اللي عرفتيهم ف حياتك إلا أنهم أكيد مبيفهموش - نجوى في حالة ارتباك شديد مبرتفعش عينيها وبتبص في الاطباق وعاملة نفسها بتاكل
مش لازم البنت تخش ماتش ملاكمة مع اللي بتحبو عشان تثبت إنها قوية.. يعني انتي مثلا سبتي كل حاجة وجيتي هنا ف مكان متعرفيش فيه اي حد عشان تطمني على واحدة صاحبتك.. دي مش قوة؟ وبعدين مش شرط كمان البنت تمشي تقول أنا جميلة ومحصلتش عشان تثبت إن هيا عندها ثقة ف نفسها.. كفاية إنها تحس من جواها إنها جميلة عشان تحسس أي راجل في الدنيا إنها أجمل بنت ف الدنيا.. يعني أنا مثلا كنت كل ما... (نجوى ترتبك أكتر وتحط ايديها ف شنطتها) في إيه؟!! مالك؟
نجوى: عن إذنك ثانية واحدة
يحي: رايحة فين؟
نجوى: (تحط الدبلة قدام يحي) خليها معاك عشان تبقى تديها لتهاني بنفسك
يتابعها بعينيه وهي تسأل نجوى الجرسون: الحمام فين لو سمحت؟
يحي قاعد لوحده بيفكر ويرجع الدبلة تاني ف ايدو
ونجوى في مراية الحمام بتبص لنفسها وبتفك التوكة وتسيب شعرها وبعدين بتلمو تاني وبتبتسم
وبمناسبة رجوعي للكونشرتو كان لازم أدون أجمل مشهد شوفتو من فترة طويلة
المشهد بين يحي (خالد أبو النجا) ونجوى (غادة عادل) من فيلم في شقة مصر الجديدة والاتنين في مطعم
يحي: مقولتيليش بقا انتي ليكي في السمك زيي ولا لأ؟
نجوى: آه بس مش لدرجة إني آجي من إلمنيا عشانو
يحي: لعلمك أنا ممكن أطلع اسكندرية وارجع عشان أكلة سمك حلوة
نجوى: بالموتوسيكل؟
يحي: آه ... أنا لفيت مصر كلها بالموتوسيكل
نجوى: يا بختك .. ورحت إلمنيا؟
يحي: عديت عليها.. تعرفي.. أنا كنت كل ما أسافر أكتر وأبعد أكتر كل أحس إن في حاجات كتير قوي في الدنيا دي فايتاني
سكوت.. -يلاحظ يحي إن نجوى تبص للدبلة اللي ايدو الشمال- ... مش عارف ليه الدبلة دي النهاردة خنقاني - يشيل الدبلة - تعرفي إن في ناس كتير فاكراني متجوز
نجوى: آه فعلا
يحي: مع إنو عادي يعني إن الواحد يلبس دبلة فضة وميكونش متجوز
نجوى: بس لازم يبقى في سبب تاني عشان يلبسها
يحي: زي إيه مثلا؟
نجوى: زي إنه يبقى بيحب واحدة
يحي: إنتي عارفة دي تبقى دبلة مين أصلا؟
نجوى: دبلة داليا مش كدا؟
يحي: لا.. دي تبقى دبلة صاحبتك
نجوى: تهاني !!
يحي : لقيتها جيالي لوحدها
نجوى: زي الجوابات اللي اتفتحت لوحدها
يحي (يضحك): طب خدي.. خليها معاكي عشان تبقي تديها لتهاني بنفسك
بس انتي برضو مقولتيليش انتي مرتبطة ولا لا؟
نجوى: - من غير ترفع ايديها الاتنين اللي مفيهومش دبلة وتهز رأسها بمعنى لأ
نجوى: كان ليا واحدة صاحبتي كانت دايما تقولي ان الرجالة يعني بيحبو الستات الي تحسسهم إنها قوية قوي ومدردحة قوي وواثقة من نفسها قوي وجميلة قوي
يحي: سوبر وومان قوي يعني
نجوى: بس أنا ولا قوية قوي ولا مدردحة قوي ولا جميلة قوي
يحي: إنتي مش جميلة؟
نجوى: كانو دايما يقولو عليها إنها مش بيضا وحلوة زي أمها... بس دمها خفيف
يحي: هما مين دول اللي بيقولو؟
نجوى: يعني جيراننا وقرايبنا
يحي: مفيش ولا راجل قالك انك جميلة؟
نجوى تهز دماغها بمعنى لأ
يحي: اسمحيلي اقولك إنو مع احترامي لكل الرجالة اللي عرفتيهم ف حياتك إلا أنهم أكيد مبيفهموش - نجوى في حالة ارتباك شديد مبرتفعش عينيها وبتبص في الاطباق وعاملة نفسها بتاكل
مش لازم البنت تخش ماتش ملاكمة مع اللي بتحبو عشان تثبت إنها قوية.. يعني انتي مثلا سبتي كل حاجة وجيتي هنا ف مكان متعرفيش فيه اي حد عشان تطمني على واحدة صاحبتك.. دي مش قوة؟ وبعدين مش شرط كمان البنت تمشي تقول أنا جميلة ومحصلتش عشان تثبت إن هيا عندها ثقة ف نفسها.. كفاية إنها تحس من جواها إنها جميلة عشان تحسس أي راجل في الدنيا إنها أجمل بنت ف الدنيا.. يعني أنا مثلا كنت كل ما... (نجوى ترتبك أكتر وتحط ايديها ف شنطتها) في إيه؟!! مالك؟
نجوى: عن إذنك ثانية واحدة
يحي: رايحة فين؟
نجوى: (تحط الدبلة قدام يحي) خليها معاك عشان تبقى تديها لتهاني بنفسك
يتابعها بعينيه وهي تسأل نجوى الجرسون: الحمام فين لو سمحت؟
يحي قاعد لوحده بيفكر ويرجع الدبلة تاني ف ايدو
ونجوى في مراية الحمام بتبص لنفسها وبتفك التوكة وتسيب شعرها وبعدين بتلمو تاني وبتبتسم
2 comments:
إنتي فظيعة يا بنتي . ايه يا بنتي انتي حافظة المشهد عن ظهر قلب . على فكرة انا بحب الفيلم ده قوي وكل ماجي اتفرج عليه اختي تقولي نفسي اعرف بتحبي فيه ايه. بس بصراحة فيه حاجة مختلفة عن كل الافلام الرومانسية تقدري تقولي مش تقليدي ويمكن يكون لامس حاجة جوا الواحد برده مش عارفة ايه هي وغادة كانت في احسن حالتها في الفيلم ده على وجه التحديد .كانت طبيعية وحقيقية اوي.تعرفي ان ان بعيش معاه اوي وفعلا المشهد اللي انتي كتبتيه ده والمشهد الاخير من احلى المشاهد في الفيلم. بس الواحد بيرجع يفوق الى الواقع من تاني ويقول لنفسه هو فيه حاجة كده.مش عارفة. عموما انا عاجبني كلامك اوي وان كنت شايفة مسحة حزن رجعت تاني تخيم على كل بوستاتك اللي كتبتيها مؤخرا بخلاف البوست اللي على باريس وعجبني اوي "Mon Paris". اد كده الزيارة كانت حلوة عموما يا ستي ان شاء الله تزوري "تون باريس" مرة تانية.
في شقة مصر الجديدة فيلم مختلف تماما ورومانسي لابعد حدود... حتة انو بيلمس حاجة جوانا دي حقيقي بيلمس الامل
الامل في فكرة نصك التاني يا نوشا وعدم اليأس يمكن اختك لما تكبر حبة تحبو هيا كمان
اما بالنسبة لجو الحزن اللي مخيم على البلوج فدا مقدرش انكرو
بس انتي عارفاني عادي يعني بتعامل
ادعيلي يا نشوى بليز
ويارب نزور باريس
سوا بقا ايه رايك؟
:))))
Post a Comment