انا بكره كلمني شكرا
حقيقة الدنيا ان مفيش حاجة ببلاش
حتى الكلمني شكرا دي بتنتقص من قدرك عن اللي هيكلمك واللي اكيد مش عايز الشكرا بتاعتك
الثمن هوا اللي بيدي الحاجة قيمتها فعلا وكل ما كان الثمن غالي كل ما الحاجة بقت غالية
دي مش دعوة لشركات الموبايل عشان يسرقونا لا سمح الله ويلغو الكلمني شكرا
لانهم بيها ومن غيرها زي المنشار يعني
انما دي دعوة للتأمل
احنا بنتكلم كل يوم عن التغيير والتعديل الدستوري
وناس صوتها اتنبح وناس تانية بتتاجر عشان تطلع في العاشرة مساء
لكن ايه الثمن
محدش فكر ان الحاجات دي ثمنها غالي قوي
ومش هاينفع معاها -للاسف- خدمة كلمني شكرا
اللي عايز يغير لازم يبقى مستعد لدفع ثمن التغيير
واللي عايز يعدل دستور بلد زي مصر
بيتسرق عيني عينك من اكبر راس لاصغر موظف معفن بينهب المال العام
يبقى لازم كدا بصراحة يبقى عامل حسابو
مع احترامي الشديد للجمعية الوطنية للتغيير .. للدكتور البرادعي .. ولكل الصادقين في حب هذا الوطن
اذا مكنش عندكو استعداد للتفكير في الثمن واستعداد تاني خاااااالص بقا لدفع هذا الثمن
يبقى اسفة انا مش بحترمكو زي منا مش بحترم النظام
ومتكلمنويش ومش شكرا
No comments:
Post a Comment