كلمات: حسين السيد ألحان:محمد عبد الوهاب وغناء: نجاة الصغيرة
______________
ع اليادي اليادي اليادي*** يا قلوب متدارية
ياما جرح الورد أيادي***حتى الجناينية
_______
ياما شوفنا في عيون حلوين*** حكايات القلب المسكين
أولها ورد وياسمين ***وآخرها انجرح الياسمين
________
لا العاشق مرتاح***ولا الخالي مرتاح
خلينا من السكة دي***على البر مراكبية
_________
ع اليادي اليادي اليادي***يا صبايا الشوق بينادي
يا ورد يا ابو الشوق ارتاح***مش كل الحلو تفاح
_________
لا العاشق مرتاح***ولا الخالي مرتاح
خلينا من السكة دي***على البر مراكبية
___________
عارفينك يا حب جريء***بتجي لنا من الف طريق
ولا بحرك بيطفي حريق***ولا بـــــرّك بينجي غريق
__________
ياللي معايا رأيكو إيه***في القلب اللي انا خايفة عليه
ياما جرح الورد ايادي***حتى الجناينـــــــــية
__________
لا يا قلبي كله الا دي***ما نستحملش اسّـــــــــية
No comments:
Post a Comment