الموضوع مع مريم بالنسبة لي كان مختلف تماما
اول مرة اختار لحد اسمه
واول مرة اقف برا باب واستنى ولادة
دافعت عنها قدام دماغ فلاحين كانت عايزة ولد
ولما جت محدش قدر يفتح بقه
صعب متحبش الملايكة
لما بنام جنبها ببقا عايزة ابكي من فرط الأمان
الأطفال في السن دا ليهم قوة عجيبة فعلا .. سبحان الله
عارفة ان كمان سنة ولا اتنين هاتاخد جينات البلطجة بحكم الزفت التلفزيون
لكن خلونا نستمتع باللحظة دي
زي النهاردة كنا كلنا في المستشفى وكنت تالت ايد تمسكها
واول واحدة تصورها
مريم من الاسباب القوية اللي بتخليني اتمنى ابقى أم
كل سنة وانتي ملاك
No comments:
Post a Comment