فين الإجابة يارب؟
فين حكمتك؟
أنا غلب حماري
بطلع لفوق واطير وانزل على جدور رقبتي
ضحكتي بتسمع للسما لكن الحزن معشش جوايا
ازاي بعرف اشتغل وانكت واتريق واتخانق واسمع مشاكل غيري وأقاوح وأفاصل
وانا جوايا كل الكمية دي من الحزن؟
طيب مين يارب هيطبب عليا غيرك؟
مش اكتر من دمعتين بينزلو .. ليه دموعي بقت شحيحة كدا؟
طب ليه يارب بنجح في شغلي؟ منين طيب؟ سبحانك بجد
منين بتفتحلي أبواب الخير
وباب مشكلتي المزمنة سايبه مفتوح ليه؟
حلها من عندك بقا
حبة حنية يارب
طاقة نور
طاقة نور أشوف منها
اعرف بيها حكمتك من كل دا
عايزة أفهم
التفكير الكتير بيجيبلي صداع لكني اول مرة ابقى عايزة يجيلي صداع
هاموت وافهم كم التناقضات دا ليه؟
والدنيا هتوديني لفين؟
ياسمين
No comments:
Post a Comment