الاغنية لريهام عبد الحكيم
جمال الكلمات طغى على اللحن.. لكن المزيكا عذبة جدا وصوت ريهام بديع.. عاش
عاشق سارح في الملكوت
ميهموش العمر يفوت
يدفع في الحرية حياته
لو اتكتف للحظة يموت
قلبه بيبرق زي الماس
ولا يملك غير الاحساس
غرقان في جروحه وآلامه
وبيداوي في جروح الناس
بايع قلبه للي يحبه
ومعندوش للحب شروط
عاشق سارح في الملكوت
ولو اتكتف للحظة يموت
طير في السما وملوش عنوان
وفي ايده خاتم سليمان
كان عايز بالضحكة يغير
ويدوب كل الاحزان
عاش الحلم كأنه حقيقة
وافتكر ان الدنيا بريئة
من طيبته سلم لحبيبته
وحبيبته بتبيع ف دقيقة
فوق واتحرر من اوهامك
العمر بيخلص قدامك
الطير مش هيطير في جهنم
مفيش سمكة بتعشق حوت
No comments:
Post a Comment